Í 1. deildinni verða 5 leikir. Í karlaflokki mætast Þróttur og KA í tveimur leikjum. Liðin mætast í kvöld kl. 20.30 og á morgun kl. 14.00 í KHÍ. Í 1. deild kvenna mætast Þróttur R og Þróttur Nes en þessi lið berjast hart um 2. sæti deildarinnar. Fyrri leikur liðanna er í kvöld kl. 19.00 og sá síðari á morgun kl. 12.30. Báðir leikirnir fara fram á heimavelli Þróttar R í KHÍ. Deildar- og bikarmeistaralið HK mæta svo Fylki í kvöld í Fylkishöll kl. 20.00.
Úrslitakeppni í 2. deild karla og kvenna verður á morgun laugardag. 2. deild karla spilar í Hagaskóla og hefst fyrsti leikur kl. 09.00 í fyrramálið. Sá leikur er í undanúrslitum milli Fylkis og Hugins A. Hinn undanúrslitaleikur hefst í kjölfarið milli Þróttar R2 og Þróttar Nes. Leikir um þriðja sætið og úrslitaleikur eru svo í framhaldinu og er stefnt á að allir leikir í 2. deild karla verði lokið um 15.30. 2. deild kvenna spilar í KHÍ og hefst fyrsti leikur kl. 09.00 á milli Stjörnunnar A og Hattar frá Egilsstöðum. Þróttur Rc og Eik mætast svo í kjölfarið í síðari undanúrslitaleiknum. Leikurinn um þriðja sætið færist í Hagaskóla og verður kl. 15.30 en úrslitaleikurinn er að leikjum 1. deildarinnar loknum eða um 15.30 í KHÍ.
Úrslit 3. deildar kvenna verða einnig ljós um helgina. Keppt verður á Álftanesi þar sem 17 lið mæta til leiks. Spilað er upp á hvert sæti í keppninni en efstu 6 liðin í riðlakeppninni spila um efstu sætin. Síðan er spilað í 5 liða riðli um sæti 7-11 og í sex liða riðli um sæti 12-17. Mótið á Álftanesi hefst kl. 17.00 í dag og verður spilað fram til 23.00 í kvöld. Aftur hefjast leikir klukkan 09.00 í fyrramálið og má reikna með að allt sé búið um 17.00 á morgun.
Það er því nóg úr að velja fyrir alla blakara og fjölmiðla um helgina en mesta baráttan verður væntanlega um 2. sætið í 1. deild kvenna þar sem Þróttaraliðin berjast en liðið að austan hefur sem stendur 2ja stiga forystu. Í 1. deild karla þarf KA tvær hrinur til þess að landa 2. sætinu af Stjörnunni og verður fróðlegt að sjá þá leiki einnig eftir frábæran bikarúrslitaleik síðastliðinn sunnudag.